Халықаралық Цифрлық Технологиялар, Сәулет және Құқық колледжінде 12 қараша күні «Жемқорлыққа қарсы күрес - әр азаматтың міндеті» тақырыбында кездесу өтті. Сыбайлас жемқорлыққа қарсы құқық бұзушылықтың алдын алу, анықтау және азаматтардың құқықтары мен бостандықтарын қорғай отырып, сыбайлас жемқорлық көріністерінен туындайтын қауіп қатерден сақтау мақсатында өткен кездесуге «Жаңару» сыбайлас жемқорлыққа қарсы жалпыұлттық қозғалысы» РҚБ орталық аппаратының басшысы Семғалиев Мэлс Зинуллаевич, ҚР Сыбайлас жемқорлыққа қарсы іс-қимыл агенттігінің БҚО бойынша департаментінің превенция басқармасының басшысы Хайруллин Біржан Марданұлы колледж оқытушылары мен студенттері қатысты. Шара барысында Құқықтану пәнінің оқытушылары Нагимова Гаухар Қайратовна «Саналы ұрпақ сыбайлас жемқорлыққа қарсы», Жумагулова Ұштап Бекқалиевна «Сыбайлас жемқорлыққа қарсы күрес, оның алдын алу шаралары», Латыпова Эльвира Алмазовна «Антикорупционные меры в учереждениях образования» тақырыптарында баяндама оқыды. Кеш қонақтары Қазақстандағы сыбайлас жемқорлық жағдайлары мен олардың алдын алу шаралары жөнінде студенттерге мол мағлұмат берді. Студенттер келген кеш қонақтары мен баяндамашыларға сұрақтар қойып, өз ойларымен бөлісті.
