Қазақстандық инновациялық және телекоммуникациялық жүйелер университетінің құрылтайшысы, Қазақстан Республикасының Ұлттық инженерлік академиясының вице-президенті, академик Айтимов Ақсерік Сәриевич үкіметтік делегация құрамында Халықаралық ғылым және технологиялар саласындағы ынтымақтастық конференциясына және ТМД мемлекеттері үкіметтері басшыларының қатысуымен Мәскеуде өткен Еуразиялық үкіметаралық кеңес отырысына қатысты және сөз сөйледі. Іс-шаралар аясында Қазақстан Республикасының Премьер-Министрі Олжас Абаевич Бектенов пен Ресей Федерациясы Үкіметінің Төрағасы Михаил Владимирович Мишустин арасындағы өзара әрекеттестік жүзеге асты. Олардың келіссөздері Қазақстан мен Ресей арасындағы экономикалық, инвестициялық және технологиялық интеграцияны жүйелі түрде нығайтуға бағытталып, сауда, көлік, өнеркәсіп және ғылым салаларындағы тұрақты ынтымақтастықты дамытуға негіз қалады. Өз сөзінде Ақсерік Сариевич университеттің ғылыми-зерттеу бағыттарын ұсынды, олар Ресей Федерациясымен ынтымақтастыққа ұсынылады:
- иондық және иондық-плазмалық ракеталық қозғалтқыштардың жетілдірілген түйіндерін зерттеу және әзірлеу;
- аналитикалық аспаптар мен құрылғыларды модельдеудің және жобалаудың әдістерін жетілдіру;
- техникалық сипаттамалары жақсартылған динамикалық масс-спектрометрлерді әзірлеу;
- ақпаратты қорғаудың криптографиялық және бағдарламалық-техникалық құралдарын зерттеу;
- экологиялық қауіп-қатерлерді мониторингілеудің қорғалған ақпараттық жүйесін жасау.
